بعنوان سؤال وجواب وعبر صفحتة الشخصية فيس بوك اجاب رجل الاعمال عيد لبيب
عن عدد من الاسئلة الجائرة حول مدينة ملوي الجدية هنا الصعيد
تنشر الاسئلة والاجوبة كما جاءت علي صفحتة الشخصية
س1 : ماصحة العمالة السورية وعددهم كام ؟
ج : احنا معندناش عمال سوريين ، انا كل اصدقائي رجال اعمال كبار وانا بحسهم انهم يستثمروا في ملوي ويعملوا مصانع .
س2 : ما دور الاتحاد الاوربي ورجل الاعمال الروسي صاحبك اللي قال عليه سيادة النائب شريف نادي ؟
ج : سبق أن اوضحت ان الاتحاد الاوربي هو جهة مانحة ، ودي اللي بيعملوا منها في مصر حاجة اسمها تحديث الصناعة ، يعني لما
يبقي عندك مصنع وعايز تدرب عماله .. تحديث الصناعة بتقوم بتدريبهم علي حسابها وانت تتكلف 20% من قيمة التدريب ، وانا
ليس لدي اصدقاء رجال اعمال روسيين
.
س3 : الفلوس اللي في البنك فين فوائدها ، وبيتعمل بيها ايه ؟
ج : دي موجودة تحت اسم الجمعية مش تحت اسمي انا والجميع يعلم ذلك ، والفوائد بتاعتها موجودة عليها ، اما كل المصاريف
الخاصة بالمكتب وكده احنا اللي بنتحملها كاعضاء مجلس ادارة الجمعية ، لكن كل واحد دفع قرش موجود بالفوائد ومن حقه
الاطلاع عليها .
س4 : الا تري ان اتاحة المدينة غرب النيل هو حاجة كويسة ؟
ج : والله احنا جينا في الأول ملوي نبني بلدنا ، واتجمعنا علي اننا نبني بلدنا ، اما يودونا نبني بلد غير بلدنا دي لا
.
س5 : لماذا اعتراض الساده النواب علي المشروع ؟
ج : هي الامور شخصية ، واللي دفعت التمن ملوي ، وانا بأكد دوري سينتهي عند صدور قرار بمدينة ملوي الجديدة شرق النيل .
س6 : ليه متجيبش النواب وتطلع معاهم في قناة الناس تشوفها وتفهم الحقيقة ؟
ج : هنرجع تاني للنقطة اللي بدأنا منها ، وقولنا نظهر في قناة وهيرفضوا تاني لأنهم مش هيقدروا علي المواجهة ، والأحسن اننا نقعد
معاهم ونصطلح معاهم ونخلص من القصة دي ، هم قالوا هنقعد قدام البلد كلها وانا موافق وجاهز لكل حاجة لمصلحة ملوي قبل اي
شئ .
س 7 : هل الفقير هيشتغل عند الغني ويبنيله ؟
ج : احنا قلنا العكس أن الفقير هو الللي هيبني العمارة ، علشان يبيعها للغني ، والجمعية فيها مميزات كتيرة .. يعني لو واحد عايز
يشتري شقة، الدوالة بتديله من تمنها 50 الف جنيه وبتقسطها علي 20 سنة ، ودي عملها فخامة الرئيس عبد الفتاح السيسي عشان
الناس الغلابة .
س 8 : هناك اقاويل بان رجل الاعمال واللي معاه جايين يسيطروا علي البلد ، وياخدوا ارض الغلابة ؟
ج : انا دوري ينتهي عند صدور القرار بالمدينة شرق النيل ، وكفاية اللي شفته علي مدار السنتين اللي فاتوا ، ولا يوجد مصلحة لي
نهائيا في قطعة ارض ولا في مشروع ولا في مصنع عندكم .
