ارسل المواطن مصطفي الضبع بعدد من الشكاوي الي وزير الداخلية ومدير امن المنيا بعد ما وقع علية ظلما علي حد تعبيرة من مباحث شرطة ملوي .زما حدث مع الضبع يروية خلال السطور التالية دون تدخل منا
يوم الخميس الموافق 8/6 بعد الفطارالساعه 9،30 مساء كنت راكب مكروباص اجره المنيا وعند مطب السبعبن وقفتنا قوة مباحث بندر ملوى للتفتيش المكروباص وانا راكب فى الكرسى الاخير وكان معايه كرتونه بيها اسكوتر اطفال مشتريه من المنيا فسالو كرتونة مين رديد بتاعتى انا دخل على امين شرطه يعرفنى من القوه قالى تعاله ياضبع نزلة تم تفتيشى تفتيش دقيق وده حقه ولم يجد اى شئ فتحو الكرتونه وتم تفتيشها وفك الدراجه وتفتيشها باردو حقهم ولم يجدو اى شئ
وجد امين شرطه حبيتين برشام مخدر فى الكرسى الثانى وراء السواق بعيد عنى والامين اللى يعرفنى فتش الكرسى الاخير جيدآ اللى انا كنت راكب فيه وبعد كده ناده على السواق يفتح الشنطه
فتح الشنطه طلع ورقه بلاستك بيضه وادولهم لضابط يدعى احمد فتحى الضابط وجه ليا انا فقط دون عن الركاب بتوع مين دول ردية حضرتك بتسالنى انا ليه وليه موجهلى السؤال قال رد كويس المهم ركبنى انا والاثنين اللى فى الكرسى الاخير وبعدها نزلهم وروحو وخدنى على القسم وهناك
دخلونى لضابط ماكنش فى اﻻحمله وبدون مقدمات تم سبى وقذف واهانه بدون داعى عند اعتراضى قلتله اسال الحمله ان كانو وجدومعى شئ وحلفهم اليمين ذاد فى سبى وقذفى قولتله اللى عاوزه ويرضى ضميرك اعمله
فوجئة بعمل محضر انه قبض عليا فى شارع الجلاء وعن ارتباكى القيت حبيتن مخدر و60 ملى افيون عرضة على النيابه وتم الافراج عنى يوم الجمه بكفاله 1000 جنيه
وقمت بعمل شكوه وارسال تلغرفات وفاكسات للنائب العام ووزير الداخليه ومدير الامن بوقوع اظلم على فى قوة المباحث وعرفت انها خدمه علشان المنشورات عن الفساد ومعايه شهود السواق وراكبه
لا حول ولا قوة الا بالله العلي العظيم
ردحذفيا حاج مصطفي مش يمكن شريف نادي يكون لية يد في الموضوع لانك فضحتة وتم استدعائك لقسم الشرطة من قبل بسبب بلاغ منة
ردحذف